21/02/2017.- NOVAS MUNICIPAIS     

Dende o Equipo de Goberno Local de Pontecesures informase que as incidencias que se produciron nos últimos días no noso pobo en referencia a que varias zonas quedaron sen servizo de recollida de lixo foron debidas a motivos totalmente alleos ao noso concello.

A Mancomunidade de Concellos da Serra do Barbanza xa informou, a petición do goberno local, dos motivos destas incidencias: A empresa concesionaria deste servizo (FCC) tivo avariado o vehículo asignado para realizar a recollida, e por non dispor nese momento de vehículo de substitución non foi posible levar a cabo o servizo.

Por parte do goberno local estase a xestionar este asunto coa Mancomunidade de Concellos da Serra do Barbanza e agardase que nos vindeiros días o servizo volva á total normalidade.