|
Actualidade » Novas Municipais
|
|
O Concello de Pontecesures inicia un plan especial de limpeza e saneamento de máis de 2 quilómetros de rúas do casco urbano |
02/03/2021.- NOVAS MUNICIPAIS ![Versión para Imprimir ...](img/ico_printer.gif) O Concello de Pontecesures iniciou hoxe xoves 2 de marzo un plan especial de limpeza e saneamento viario das rúas do seu casco urbano. O alcalde, Juan Manuel Vidal Seage, explica que “nesta primeira fase imos actuar sobre as rúas con máis intensidade de tránsito de peóns e sobre aquelas que teñen un carácter máis comercial. Despois iremos limpando o resto das rúas adxacentes”.
Así, as tarefas de limpeza acometeranse na rúa central de Pontecesures: dende Portarraxoi ata a rúa Víctor García, pasando polas rúas Lois e Sagasta ata completar un total de 1.040 metros. Segundo vaian avanzando pola rúa central, as actuacións de limpeza estenderanse a zonas adxacentes como as travesías da Bandeira, da Feira do Automóbil e do Muelle ou as rúas Patifas, Otero Acevedo, San Lázaro, Nova, Rosalía de Castro, Castelao e Carlos Bóveda. Completarase a actuación coa limpeza da rúa a carón de Correos e detrás da piscina do Náutico, ata sumar un total de 2.069 metros de beirarrúas. Hoxe comezouse en Portarraxói e a travesía da Bandeira.
A limpeza acométese con medios manuais e mecánicos, incluída unha hidrolavadora con auga a presión, coa que se realizarán tarefas de barrido, baldeo e hidrolimpeza das beirarrúas, paseos, zonas peonís, alcorques e contornas dos contedores do lixo. “Farase especial fincapé na eliminación do verdín para evitar esvaróns e mellorarase de forma significativa a hixiene das rúas do casco urbano de Pontecesures”, sinala Vidal Seage, quen adianta que “despois poremos en marcha unha campaña especial de sensibilización entre a veciñanza para que nos axuden a manter limpas as rúas, tanto de lixo como de deposicións dos animais”.
Restricións de aparcamento
Durante a execución dos traballos, o Departamento de Vixilancia e Seguridade-Tráfico do Concello de Pontecesures recomenda non estacionar os vehículos nos tramos das rúas nos que estea sinalizado a realización dos traballos de limpeza. A razón é que a limpeza con auga a presión pode causar danos nos vehículos ao arrincar materiais que levan anos adheridos ás beirarrúas. Unha sinalización que se irá desprazando polos distintos tramos da rúa central entre Portarraxoi e Víctor García de acordo ao avance dos traballos.
Esta actuación especial vén complementar os labores de limpeza de todo o sistema viario por parte de persoal municipal que, en quendas distribuídas de luns a domingo barren as rúas e prazas do termo municipal.
|
|
|
|
|
|
|
![SEDE ELECTRÓNICA](\recursos\BANNER_SEDE_ELECTRONICA_PONTECESURES_2.jpg)
![Perfil de Contratante](\recursos\BANNER_PERFIL_CONTRATANTE.jpeg)
![Rueiro de Pontecesures](\recursos\banrueiro.jpg)
![Galería de Imaxes](\recursos\banfotos.jpg)
![Selección de persoal](\recursos\CONTRATACIÓN_DE_PERSOAL.JPG)
![Impresos e formularios](\recursos\BANNER_IMPRESOS_E_FORMULARIOS(1).JPG)
![Feria do Automóbil](\recursos\Feirauto.gif)
![Piscina Municipal](\recursos\RESERVA_PISCINA(1).png)
![Carreira popular](\recursos\BANNER_CARREIRA_POPULAR_PONTECESURS_NOVO_2017(1).jpg)
![Traslatio Xacobea](\recursos\logo-_fundacion_mar_de_arousa.jpg)
![Biblioteca municipal](\recursos\BANNER_BIBLIOTECA.jpg)
![ORAL PONTEVEDRA](\recursos\BANNER_ORAL_PONTECESURES.JPG)
![ORDENANZAS MUNICIPAIS](\recursos\BANNER_ORDENANZAS_MUNICIPAIS(1).jpg)
![Periodo medio de pago a proveedores.](\recursos\Banner_PMPP.jpg)
![CONSELLO DE CONTAS](\recursos\BANNER_CONSELLO_CONTAS.jpg)
![MERCADO MUNICIPAL](\recursos\BANNER_MERCADO.jpg)
![Guía de Servizos do Concello](\recursos\bandirectorio(1).jpg)
![RUTA PANTALÁN - ALBERGUE DE PEREGRINOS (PONTECESURES).](\recursos\BANNER_RUTA_PANTALAN_ALBERGUE.jpg)
![Urbanismo e Plan Xeral de Ordenación Muncipal](\recursos\banpxom.jpg)
![UNIÓN EUROPEA](\recursos\logo_IDAE_UE_WEB(1).jpg)
![INFORMACIÓN PARQUE EMPRESARIAL](\recursos\banner_POLÍGONO_INDUSTIRAL(1).jpg)
![MAPA PUNTOS DE SEGURIDADE CON FORMACIÓN CONTRA A VIOLENCIA DE XÉNERO.](\recursos\MAPA_WEB_PUNTOS_IGUALDADE(1).jpg)
![ESCOLA INFANTIL MUNICIPAL](\recursos\banner_EIM.jpg)
|