|
Actualidade » Eventos e Actividades
|
|
A XXV Festa da Lamprea do Ulla arrincará este sábado cun showcooking da man de Miguel Mosteiro, que elaborará receitas con lamprea |
21/03/2023.- EVENTOS E ACTIVIDADES ![Versión para Imprimir ...](img/ico_printer.gif) Pontecesures acollerá esta fin de semana do 25 e 26 de marzo a XXV Festa da Lamprea do Ulla, que centralizará as súas actividades nunha carpa no espazo “Cara a Ría”. Así, o Concello de Pontecesures abre hoxe as inscricións en dúas actividades gratuítas que terán lugar o sábado 25 de marzo: un obradoiro infantil de ciencia divertida e un showcooking con lamprea para persoas adultas.
O obradoiro infantil de ciencia divertida terá lugar este sábado 25 de marzo, de 11:00 a 13:00 horas, na carpa no espazo “Cara a ría”. A participación é totalmente de balde, se ben é preciso anotarse previamente chamando ao teléfono: 986 557 125 (en horario de 9:00 a 14:00 horas).
Ás 19:00 horas terá lugar o showcooking dirixido polo chef Miguel Mosteiro, xefe de cociña no Gastrolab Arousa (Boiro) e cociñeiro presentador do programa “Estache Bo”, da TVG. Mosteiro fará en directo varias elaboracións coa lamprea como ingrediente principal, que poderán ser degustadas por un máximo de 30 persoas asistentes. A participación é gratuíta, se ben é preciso inscribirse previamente enchendo este formulario (https://forms.gle/2e79y8rJHZLuJR1z9) ou chamando ao teléfono: 986 557 125 (en horario de 9:00 a 14:00 horas). A inscrición realizarase por rigorosa orde de anotación, só unha persoa de cada vez e co compromiso de estar na carpa espazo “Cara a Ría” antes das 19:10 horas. No caso contrario, perderá a súa praza, que pasará a ser da primeira persoa en lista de agarda.
Máis de 300 menús
A programación do día grande da XXV Festa da Lamprea do Ulla arrancará coa presentación do documental “Pontecesures”, na Casa do Concello, ás 12;15 horas. Unha vez rematada, a comitiva oficial desprazarase á carpa no espazo “Cara a Ría”, onde a actriz e presentadora Isabel Blanco será a encargada de dar o pregón.
Ás 14:00 horas, esa mesma carpa acollerá unha degustación de lampreas do Ula. O alcalde de Pontecesures, Juan Manuel Vidal Seage, amósase satisfeito polo incremento do número de capturas nas últimas semanas “polo que agardamos que o día da festa se poidan servir máis de trescentos menús de lamprea e que todas as persoas que o desexen poidan degustala en tres elaboracións diferentes: á bordelesa, en empanada ou en escabeche”. E, a partir das 20:00 horas, a actuación musical a cargo da agrupación “Unión y Fuerza” porá o broche de ouro á programación.
|
|
|
|
|
|
|
![SEDE ELECTRÓNICA](\recursos\BANNER_SEDE_ELECTRONICA_PONTECESURES_2.jpg)
![Perfil de Contratante](\recursos\BANNER_PERFIL_CONTRATANTE.jpeg)
![Rueiro de Pontecesures](\recursos\banrueiro.jpg)
![Galería de Imaxes](\recursos\banfotos.jpg)
![Selección de persoal](\recursos\CONTRATACIÓN_DE_PERSOAL.JPG)
![Impresos e formularios](\recursos\BANNER_IMPRESOS_E_FORMULARIOS(1).JPG)
![Feria do Automóbil](\recursos\Feirauto.gif)
![Piscina Municipal](\recursos\RESERVA_PISCINA(1).png)
![Carreira popular](\recursos\BANNER_CARREIRA_POPULAR_PONTECESURS_NOVO_2017(1).jpg)
![Traslatio Xacobea](\recursos\logo-_fundacion_mar_de_arousa.jpg)
![Biblioteca municipal](\recursos\BANNER_BIBLIOTECA.jpg)
![ORAL PONTEVEDRA](\recursos\BANNER_ORAL_PONTECESURES.JPG)
![ORDENANZAS MUNICIPAIS](\recursos\BANNER_ORDENANZAS_MUNICIPAIS(1).jpg)
![Periodo medio de pago a proveedores.](\recursos\Banner_PMPP.jpg)
![CONSELLO DE CONTAS](\recursos\BANNER_CONSELLO_CONTAS.jpg)
![MERCADO MUNICIPAL](\recursos\BANNER_MERCADO.jpg)
![Guía de Servizos do Concello](\recursos\bandirectorio(1).jpg)
![RUTA PANTALÁN - ALBERGUE DE PEREGRINOS (PONTECESURES).](\recursos\BANNER_RUTA_PANTALAN_ALBERGUE.jpg)
![Urbanismo e Plan Xeral de Ordenación Muncipal](\recursos\banpxom.jpg)
![UNIÓN EUROPEA](\recursos\logo_IDAE_UE_WEB(1).jpg)
![INFORMACIÓN PARQUE EMPRESARIAL](\recursos\banner_POLÍGONO_INDUSTIRAL(1).jpg)
![MAPA PUNTOS DE SEGURIDADE CON FORMACIÓN CONTRA A VIOLENCIA DE XÉNERO.](\recursos\MAPA_WEB_PUNTOS_IGUALDADE(1).jpg)
![ESCOLA INFANTIL MUNICIPAL](\recursos\banner_EIM.jpg)
|