19/05/2023.- EVENTOS E ACTIVIDADES     
O Concello de Pontecesures, en colaboración coa Deputación da Pontevedra, vai desenvolver o programa "Dinámicas", unha iniciativa que pretende organizar unha serie de obradoiros e charlas de distinta temática desde un punto de vista da igualdade de xénero. Un proxecto que será presentado á veciñanza o vindeiro xoves 25 de maio, ás 18:30 horas, na casa do concello.

Nesa reunión, as persoas que asistan recibirán información sobre todas as dinámicas que se poden poñer en marcha (dende competencias dixitais ata cursos de arte floral) e así decidir cales poñer en marcha primeiro e mesmo consensuar os horarios máis atractivos para as persoas que se anoten.

A participación é totalmente de balde e non é necesaria inscrición previa. Para máis información: 677 555 748.