23/06/2023.- BANDOS MUNICIPAIS     
A alcaldesa de Pontecesures, María Teresa Tocino Barreiro, convida a toda a veciñanza a participar na procesión das Festas na honra da Virxe do Carme. “As persoas que estean interesadas en participar na procesión, tanto crianzas como persoas adultas, poden inscribirse nas oficinas do Concello ata as 14:00 horas do vindeiro xoves 29 de xuño”, explica a alcaldesa.

A procesión terá lugar o domingo 2 de xullo, ao remate da misa solemne. O Concello de Pontecesures procederá ao reparto da roupa para a procesión o venres 30 de xuño, entre as 10:00 e 14:00 horas, na propia casa consistorial.