19/06/2025.- NOVAS MUNICIPAIS     

LIÑA I: OBRAS. (4 PROXECTOS)

1.- “Deseño e Desenvolvemento da nova páxina Web do Concello de Pontecesures”, por un importe total de 7.139,00 €.

Obxectivos do proxecto

• Renovar o deseño do portal web, om actual data de de 2007, cun enfoque moderno e accesible.
• Facilitar a xestión do contido para os administradores do sitio mediante un sistema de xestión sinxelo e eficiente.
• Mellorar a experiencia do usuario (cidadáns, empresas e visitantes).
• Optimizar o portal para dispositivos móbiles (deseño responsive).
• Proveer unha base tecnolóxica escalable e segura.

2.- Achega municipal para o proxecto “Reordenación funcional e material do inicio da rúa Carlos Maside, en Pontecesures”. Solicítase o importe total da achega municipal de 65.458,15 €.

O orzamento total da actuación é de 436.387.65 €, concedéndonos unha axuda por importe de 370.929,50 €, correspondentes ó 85 % do importe das obras a realizar, tendo este concello que aportar o 15% restante.

3.- “Proxecto de reforma da rúa Raimundo García Domínguez “Borobó”, solicítase a o importe total do orzamento, que ascende a 225.452,69 € (217.931,56 € para a execución de obra, e 7.521,13 € para a redacción do proxecto)

4.- “Subministración Material Escola Infantil Municipal”, solicíase unha axuda por importe de 5.003,55 €. O gasto total a realizar ten un importe de 5.495,08 €. O concello asume a diferenza de 491,53 €.

As actuacións pódense clasificar en tres apartados:

I.- Adquisición de mobiliario interior para achegar e complementar o existente: elementos básicos para o desenvolvemento da actividade coma recipientes de cueiros, escaleiras, armarios, e percheiros para colgar a roupa. 

II.- Adquisición de elementos de seguridade para protexer os radiadores de calefacción existentes.

III.- Adquisición e colocación de estores para protexer as aulas da luz directa do sol nas aulas e instalacións, que están orientadas cara o S.

LIÑA II: PAGO ACREEDORES DE GASTO, E GASTO CORRENTE.

O Concello solicitou unha subvención con cargo a Liña II para o gasto corrente denominado “Programación da Festa do Churro 2025, Festa do Centenario do Concello de Pontecesures, Actuacións nas Festas Do Carme, e Cursos Formativos 2025”, para o que se solicitou unha axuda por un importe total de 50.124,09 €. 

LIÑA III: CONTRATACION PERSOAS DESEMPREGADAS

Noutra liña xa concedida: a liña III (Emprego), este concello solicitou e recibiu unha subvención con cargo á Liña III (emprego) do “Plan de Obras e Servizos de Competencia Municipal (Plan Mais Provincia) 2025”, con destino ao financiamento da contratación de 3 traballadores/as desempregados/as dadas as necesidades, urxentes e inaprazables, de persoal en sectores, funcións e categorías profesionais indispensables para satisfacer as necesidades básicas da veciñanza e/ou para asegurar o funcionamento da entidade e dos seus órganos de goberno.

Contratáronse os seguintes postos: 2 peóns de Obra Pública, a xornada completa;  e 1 peón de limpeza de edificios a xornada parcial (5h./dia). Ditas contratacións realizáronse dende o mes de marzo ate ó vindeiro 31/12/2025. 

A subvención solicitada foi por un importe de 56.999,20 €; mentres que o custo total das contratacións é de 58.379,05 €,  polo que o Concello financiara estas contratacións con fondos propios 1.379,85 €, para as indemnizacións por fin de contrato non subvencionables, que sume o concello.

LIÑA IV: REDACION DE PROXECTOS DE TRANSFORMACIÓN DA MOBILIDADE EN ZONAS RURAIS E URBANAS

Solicitouse ó abeiro desta Liña unha subvención por importe 10.568,37 €, destinados ao financiamento da redacción do proxecto denominado "Mellora da mobilidade peonil no ámbito da rúa Pousa Antelo”.