08/08/2025.- NOVAS MUNICIPAIS     

O Concello de Pontecesures acaba de instalar dous mini puntos limpos nas rúas Victor García e José Novo para o depósito e recollida de:

 👉 Cápsulas de café de aluminio e plástico

👉 Cartuchos de impresora

👉 Teléfonos móbiles

👉 Pilas, baterías e acumuladores

👉 Pequenos aparellos eléctricos e electrónicos

👉 Lámpadas de baixo consumo

A Concellería de Medio Ambiente, representada pola concelleira Pilar García Dios, avanza no seu programa de mellora da correcta separación de residuos domésticos, co obxectivo de facilitar o depósito dos mesmos ós veciños e veciñas de Pontecesures.

O custe desta actuación con un importe total de 9.075 € acadou o financiamento de 6.750 €, correspondentes ó 90 % do importe subvencionable desta actuación, ao abeiro do establecido na Orde do 17 de decembro de 2024 de Concellería de Medio Ambiente e Cambio Climático, pola que se establecen as bases reguladoras para a concesión de axudas a entidades locais de Galicia para o financiamento de actuacións en materia de residuos de competencia municipal, cofinanciadas polo fondo europeo relativo ao Mecanismo de recuperación, transformación e resiliencia, financiado pola Unión Europeo-NextGenerationEU, e se procede á súa convocatoria en réxime de concorrencia competitiva por anticipado de gasto para o ano 2025.