...:: P O N T E C E S U R E S - Web Oficial do Concello ::...


	O CONCELLO TURISMO MULTIMEDIA ACTUALIDADE inicio \| portada

Información Xeral

» Situación
» Cómo Chegar
» Rueiro de Pontecesures

Reseñas Históricas

» Historia do Concello
» Persoeiros Ilustres

Qué Visitar

» Patrimonio
» O Entorno
» ROTEIRO HISTÓRICO-CULTURAL DE PONTECESURES 2015.

Tempo de Lecer

» Festividades

Servizos

» Onde Comer
» Onde dormir

Qué Visitar » Patrimonio

Patrimonio

O Alfolí - (C) CRTVG

O Alfolí
Edificio barroco do século XVIII, destinado á almacenaxe de sal, tabaco, xofre...
Testemuña da importancia de Pontecesures na época ao ser o único porto habilitado para a descarga de sal desde 1467. En 1990 sofre o incendio que destrúe todo o interior. Conserva na fachada o escudo borbónico e o seguinte texto: “LOS ALMACENES DE LA RENTA DEL TAVACO CONSTRUIDOS EN EL AÑO DE MDCCVC REINANDO EL SEÑOR DN CARLOS IV".

O Coche de Pedra.

O coche de pedra

1985

En 1985 inaugúrase o monumento conmemorativo O coche de pedra, unha réplica do primeiro coche a gasolina que circulou por Galicia, un Renault Freder. Manuel Castelo representa, labrado en granito, aquel que fora exposto na primeira e segunda edicións da Feira do Automóbil de Ocasión sobre un pedestal de ladrillos.

Da man da xente do lugar, representada por Eugenio Escuredo Lastra e Salvador Sierra Trasande, Pontecesures foi, en 1925, a primeira localidade española en organizar unha feira de automóbiles de ocasión, tomando como exemplo a de Leipzig, en Alemaña, unha das máis importantes da época a nivel mundial.

Ata ese momento todas as realizadas en España eran mostras de vehículos novos. A raíz do éxito da feira organizáronse outras similares en 1926, 1950 e 1954.

Capela de San Xulián

Capela de San Xulián
Capela románica feita construír polo Bispo Xelmírez, cunha remodelación no 1918 na que se atoparon restos romanos, que foron catalogados polo Museo Provincial de Pontevedra.

A Ponte

A Ponte
Construída no século I, con remodelacións posteriores (a máis importante deseñada polo Mestre Mateo no século XII). Consta de dez arcos sobre o río Ulla e une as provincias de Pontevedra e A Coruña.

Cruceiro do Porto

Cruceiro de Porto
Cruceiro do século XX que se atopa na Praza dos Valeiros, no lugar de Porto.

Fito Xacobeo

Fito Xacobeo
Inaugurado o 21 de agosto de 1966 con motivo da Ruta Fluvial Xacobea a través do Río Ulla.

Cruceiro de Carreiras

Cruceiro de Carreiras
Data do ano 1747. No nacente figura a imaxe da Raiña dos Anxos, patrona do lugar.

Cruceiro de San Xulián

Cruceiro de San Xulián
Cruceiro do século XIV que pertenceu á desaparecida capela de San Lázaro. Cabe sinalar que a capela formaba parte da Malatería ou Hospital de Leprosos, tamén chamado Obra Pía de San Lázaro.

RUTA PANTALÁN - ALBERGUE DE PEREGRINOS (PONTECESURES).

Urbanismo e Plan Xeral de Ordenación Muncipal

MAPA PUNTOS DE SEGURIDADE CON FORMACIÓN CONTRA A VIOLENCIA DE XÉNERO.