Concello de Pontencesures Concello de Pontecesures
 O CONCELLO      TURISMO      MULTIMEDIA       ACTUALIDADE           inicio | portada
 
Banner Seccion
 

Reseñas Históricas » Historia do Concello

Historia do Concello

fotografía...
O poboamento da antiga comarca de Iria foi probablemente íbero, no século VI a. C. Tamén existen pegadas da impronta fenicia, grega e cartaxinesa, antes de que os romanos establecesen nesta terra rentables explotacións.

As escavacións arqueolóxicas levadas a cabo en diferentes momentos corroboran este devir histórico, atopándose restos de cerámica fenicia nas ribeiras ullenses e na ampliación do porto de Cesures, vestixios do que parece que foi o antigo porto exterior de Iria.

A orixe etimolóxica do topónimo 'Pontecesures' non está totalmente clara, aínda que parece que podería estar relacionada con CENSURIS, por ser aquí onde se facían os empadroamentos romanos, e non con PONTECAESARIS, como algún historiador interpretou.

Na época romana construíuse unha ponte que unía ambas as marxes do Ulla; na Idade Media, o mestre Mateo reformouna e, xa finalmente, o seu aspecto actual débeselle ás obras de 1911.

Co descubrimento da tumba do Apóstolo Santiago e o posterior auxe das peregrinacións a Compostela, o termo municipal converteuse nunha das encrucilladas do camiño.

O porto de Cesures tivo gran importancia e proba disto foi a construción nos seus estaleiros, en tempos de don Xelmírez, da Armada de Castela, para loitar contra os normandos e sarracenos, así como o monopolio da concesión real para carga e descarga de sal, no século XV. No século XIV instalouse unha malataría ou leprosaría na Rúa Nova, funcionando ata finais do século pasado.

No ano 1795 o rei Carlos IV mandou construír o almacén de Rentas Estancadas do Tabaco. Posteriormente, no ano 1881 Alfonso XII concedeulle á parroquia de San Xulián de Requeixo o título de vila de San Luís de Cesures.

Ata 1883, o termo pertenceu ao concello de Padrón e, posteriormente, ao de Valga, ata que en 1925 se asinou o Pacto da Devesa entre os representantes de ambas vilas. No mes de marzo de 1925 iniciáronse as primeiras xestións para acadar a segregación de Pontecesures do concello de Valga e o 9 de outubro dese mesmo ano elixiuse alcalde.




SEDE ELECTRÓNICA

Perfil de Contratante

Rueiro de Pontecesures

Galería de Imaxes

Selección de persoal

Impresos e formularios

Feria do Automóbil

Piscina Municipal

Carreira popular

Traslatio Xacobea

Biblioteca municipal

ORAL PONTEVEDRA

ORDENANZAS MUNICIPAIS

Periodo medio de pago a proveedores.

ESCOLA INFANTIL MUNICIPAL

CONSELLO DE CONTAS

MERCADO MUNICIPAL

Guía de Servizos do Concello

RUTA PANTALÁN - ALBERGUE DE PEREGRINOS  (PONTECESURES).

Urbanismo e Plan Xeral de Ordenación Muncipal

UNIÓN EUROPEA

INFORMACIÓN PARQUE EMPRESARIAL

MAPA PUNTOS DE SEGURIDADE CON FORMACIÓN CONTRA A VIOLENCIA DE XÉNERO.
 

(C) Concello de Pontecesures       + + +       aviso legal       + + +       Deseño e Programación: @inet Consulting